“ချင်းတွင်း မြစ်ကြောင်း အတွင်း ခရီးသည် သယ်ယူ ပို့ဆောင်ရေး ရေယာဉ်များ တည်ဆောက် ပြေးဆွဲရေး စီမံကိန်းနှင့် စပ်လျဉ်း၍ စီမံကိန်း လုပ်ငန်း ဖြစ်နိုင်ခြေ လေ့လာ ဆန်းစစ်မှု (Feasibility Study) ပြုလုပ်ရန် အတွက် Grant Arrangement လက်မှတ် ရေးထိုး”

နယ်သာလန် အစိုးရ အထောက်အပံ့ဖြင့် Develop2Build Project အစီအစဉ်အရ  ချင်းတွင်း မြစ်ကြောင်းအတွင်း ခရီးသည် သယ်ယူ ပို့ဆောင်ရေး ရေယာဉ်များ တည်ဆောက် ပြေးဆွဲရေး စီမံကိန်းနှင့် စပ်လျဉ်း၍ စီမံကိန်း လုပ်ငန်း ဖြစ်နိုင်ခြေ လေ့လာ ဆန်းစစ်မှု (Feasibility Study) ပြုလုပ်ရန် အတွက် Grant Arrangement D2B18MM01 လက်မှတ် ရေးထိုးပွဲ အခမ်းအနားကို (၁၇.၈.၂၀၁၈) ရက်နေ့ (၁၀:၀၀) နာရီ အချိန်တွင် ပြည်တွင်းရေကြောင်း ပို့ဆောင်ရေး (ရုံးချုပ်) အစည်းအဝေး ခန်းမ၌ ကျင်းပ ပြုလုပ်ရာ နယ်သာလန်နိုင်ငံ အစိုးရ ကိုယ်စား မြန်မာနိုင်ငံဆိုင်ရာ နယ်သာလန် သံအမတ်ကြီး Mr. W.R.M. Jurgens နှင့် ပြည်တွင်း ရေကြောင်း ပို့ဆောင်ရေးမှ ဦးဆောင် ညွှန်ကြားရေးမှူး ဦးဇော်ဝင်း တို့သည် Grant Arrangement တွင် လက်မှတ်ရေးထိုး ကြပါသည်။