ပြည်တွင်းရေကြောင်း ပို့ဆောင်ရေး ဥပဒေကြမ်းအား ပြည်ထောင်စု လွှတ်တော်က အတည်ပြု မှတ်တမ်းတင်

(၄.၇.၂၀၁၇) ရက်နေ့တွင် ကျင်းပ ပြုလုပ်သည့် ဒုတိယအကြိမ် ပြည်ထောင်စု လွှတ်တော် ပဉ္စမ ပုံမှန် အစည်းအဝေး ဒသမနေ့တွင် ပြည်ထောင်စု လွှတ်တော်က အတည်ပြုသည်ဟု မှတ်ယူရမည့် ပြည်တွင်းရေကြောင်း ပို့ဆောင်ရေး ဥပဒေကြမ်းနှင့် မြန်မာ့ ကမ်းရိုးတန်းနှင့် ပြည်တွင်းရေကြောင်း သယ်ယူပို့ဆောင်ရေး လုပ်ငန်း လုပ်ကိုင်ခွင့် ဥပဒေ ကိုပြင်ဆင်သည့် ဥပဒေကြမ်းတို့အား ပြည်ထောင်စု လွှတ်တော်က အတည်ပြု မှတ်တမ်း တင်ကြောင်းနှင့် အဆိုပါ ဥပဒေကြမ်းများအား နိုင်ငံတော် သမ္မတက အတည်ပြု လက်မှတ်ရေးထိုး ထုတ်ပြန်နိုင်ရန် အတွက် ပြည်ထောင်စု အစိုးရ အဖွဲ့သို့ ပေးပို့ထားပြီးဖြစ်ကြောင်း ပြည်ထောင်စု လွှတ်တော် နာယက က ကြေငြာခဲ့ပါသည်။