""ပြည်တွင်းရေကြောင်း ပို့ဆောင်ရေး ဥပဒေကြမ်း"" အား ပြည်သူ့ လွှတ်တော်တွင် တင်သွင်း

၂၉-၅-၂၀၁၇ တနင်္လာနေ့တွင် ကျင်းပပြုလုပ်သည့် ဒုတိယအကြိမ် ပြည်သူ့ လွှတ်တော် ပဉ္စမ ပုံမှန် အစည်းအဝေး ပဉ္စမနေ့တွင် အမျိုးသား လွှတ်တော်က ပြင်ဆင်ချက်မရှိ အတည်ပြု၍ ပေးပို့လာသော ""ပြည်တွင်းရေကြောင်း ပို့ဆောင်ရေး ဥပဒေကြမ်း"" ကို ဥပဒေကြမ်း ကော်မတီက အစီရင်ခံစာ တင်သွင်းခဲ့ပြီး ဥပဒေကြမ်းနှင့် စပ်လျဉ်း၍ ပြင်ဆင်ချက်အဆို တင်သွင်းလိုသည့် ကိုယ်စားလှယ်များ အနေဖြင့် အမည်စာရင်းကို ၃၁.၅.၂၀၁၇ ရက်နေ့ ညနေ ၄:ဝ၀ နာရီ နောက်ဆုံးထား တင်သွင်းနိုင်ကြောင်း ပြည်သူ့လွှတ်တော် ဥက္ကဌက ကြေငြာခဲ့ပါသည်။