လပွတ္တလုပ်- ရေပေါ်ကြီး ဇက်ကူးတို့ လမ်းအား ပြည်တွင်းရေကြောင်း ပို့ဆောင်ရေးပိုင် ဇက် ၁၁၀ ရေယာဉ်ဖြင့် စတင်ပြေးဆွဲ

ဧရာဝတီတိုင်း ဒေသကြီး၊ ငပုတောမြို့နယ်ရှိ အလယ်ကျွန်း ဒေသခံများ သွားလာမှု အဆင်ပြေစေရေးအတွက် လပွတ္တာမြို့နယ်၊ လပွတ္တလုတ်တောင် ကျေးရွာရှိ လပွတ္တလုတ်ချောင်း ဇက်ကူးဆိပ်နှင့် ငပုတောမြို့နယ်၊ အလယ်ကျွန်းဒေသ၊ ရေပေါ်ကြီးကျေးရွာ သက္ကယ်သောင်မြစ် ဇက်ကူးဆိပ်သို့ ပြေးဆွဲပေးမည့် လပွတ္တလုပ်- ရေပေါ်ကြီး ဇက်ကူးတို့ လမ်းအား၊ ပို့ဆောင်ရေးနှင့် ဆက်သွယ်ရေး ဝန်ကြီးဌာန၊ ပြည်တွင်းရေကြောင်း ပို့ဆောင်ရေးပိုင် ဇက် ၁၁၀ ရေယာဉ်ဖြင့် (၁၅.၆.၂၀၁၈) ရက် နေ့မှ စတင်၍ တစ်နေ့လျှင် (၂) ခေါက်နှုန်းဖြင့် စမ်းသပ် ပြေးဆွဲ ​ပေးသွားမည် ဖြစ်ပြီး ခရီးသည်နှင့် မော်တော်ယာဉ်များ သွားလာမှု ပေါ်မူတည်၍ ခေါက်ရေ တိုးချဲ့ ပြေးဆွဲသွားမည် ဖြစ်ပါသည်။

ကောက်ခံမည့် ခရီးသည်ခ၊ ကုန်တင်ခ၊ မော်တော်ယာဉ် တင်ဆောင်ခ နှုန်းထားများမှာ အောက်ပါ အတိုင်း ဖြစ်ပါသည်-

• ခရီးသည် တစ်ဦးလျှင် - ကျပ် ၅၀၀/-  
• အထွေထွေကုန် တစ်ပိဿာလျှင် - ကျပ် ၁.၆၀/-
• အထွေထွေကုန် တစ်တန်လျှင် - ကျပ် ၁၀၀၀/-
• အိမ်စီးကား အမျိုးမျိုးနှင့် ၂ တန်အောက် ယာဉ်များ - ကျပ် ၄၀၀၀/-
• ကားလတ် (ဒိုင်နာ၊ ကန်တာ၊ တီ-၂၁၀၀ နှင့် ၃တန်အထိ ယာဉ်များ) - ကျပ် ၆၀၀၀/-
• ၃ တန်ခွဲမှ ၆ တန်ထိ ယာဉ်များ - ကျပ် ၈၀၀၀/-
• ၆ တန်နှင့် အထက်ယာဉ် ၁၂ တန်အထိ - ကျပ် ၁၀၀၀၀/-
• စက်ဘီး - ကျပ် ၅၀၀/-
• ဆိုက်ကား - ကျပ် ၁၀၀၀/-
• မော်တော်ဆိုင်ကယ် - ကျပ် ၂၀၀၀/-
• နောက်တွဲယာဉ် (သုံးဘီး - ကျပ် ၃၀၀၀/-
• နောက်တွဲယာဉ် (လေးဘီး) - ကျပ် ၄၀၀၀/-
• ဆိုက်တွဲ - ကျပ် ၃၀၀၀/-
• ဒိန်းဒေါင်း - ကျပ် ၄၀၀၀/-